L'aria 'i Natali 'a tocchi cu li mani
all'arba quando chiama la nuvina
e vannu tutti i boni pizzitani
mu pigghianu la sanda medicina
jà dindra 'a Chiesa di l'Ammaculata
cu 'a fedi d'ogni d'uno coddijata.

Tramendi i vichicej e puru i strati
gira sonandu allegra 'a cerameja
e tutti nda lu lettu accucciunati
li tiratini di la pipiteja
ndo cori si li sendunu scindiri
cu amuri, gioia e cu nu gran piaciri.

Pè tutti, poi, cchiù bella la jornata
cumingia a ognidduvi du paisi.
Nda ogni casa gendi ndaffarata
tra li preparativi e milli spisi.
chi fannu l'allegria d'ogni Natali,
'a megghiu festa, ca no ng'è l'uguali.

Tratandu allu presebbiu ogni ziteju
staci appricatu da matina a sira
e quandu è prondu scoppia di lu preju:
si ncanda uri e uri mu l'ammira.
e 'a notti d'a vigilia no s'acqueta
pè finca chi non splendi la cumeta.

si posanu a migghiara i Bambinej
nda grutti fatti d'ogni fandasia,
nda palazzuni oppuru casicej
e si l'arridi 'a Virgini Maria
tra 'u ciucciareju a latu di lo vòi
pè chista festa du Figghiolu soi!...

David Donato